تورم مكان الحقنة .

منذ ثلاث أسابيع تقريبا أخذ لبنى حقنة مضاد حيوى فلوميكس 500 وكانوا أربع حقن بس آخر حقنه تألم منها بشده وفضل الما يومها فترة لدرجة انه مكنش قادر يدوس على رجله

لكن بعد حوالى ساعة استطاع المشى بسهوله فقلت انه كان الم نتيجة الحقنة بس اليوم وبعد مرور حوالى 3 اسابيع لاحظ أن فى كلكعة مكان الحقنة وحاولت انى ادلكها بس كانت بتالمه لكن مفيش احمرار مكانها

أنا لاحظتها بالصدفه وأنا بغير له والحمد لله بيتحرك كوس وهو شقى جدا وانا قلقانه فياريت تفيدونى هل الكلكعه دى نتيجه للحقنه بس وهتروح مع الوقت ولا فيه اضرار منها والعلاج

مع العلم انه الحمد لله مش عنده حساسية للمضادات الحيوية الدكتورة كانت عملته اختبار لما جت تعطيه ممضاد حيوى أول مره وهو سنه سنه وأربع شهور فمن فضلكم الإفادة لأنى قلقة جدا

وعليكم السلام ورحمة الله وبركاته .

في الغالب أن يكون الورم بسبب التهاب موضعي في العضل واﻷسباب متعددة ولكن في الغالب أن يخف الورم تدريجيا و ينصح بتجنب التدليك وفي حال بقاء الورم أو زيادة حجمه أو وجود ارتفاع في درجة الحرارة فينصح بمعاينة الطفل من قبل الطبيب .